Herrilana ekitea da. Egitea. Eraikitzea.
Ez da ahal dugun galdetzea; ahalduntzea da. Ez da lo egitea; amets egitea da. Ez da praktiketan aritzea; ariketa praktikoa da.
Herrilana zubigintza da. Zeharkakotasuna. Aniztasuna. Elkartasuna.
Ez dauka jaberik; burujabe izatea da. Ez dauka hierarkiarik; bihurri izatea da. Ez dauka preziorik; balio handia dauka.
Herrilana herria egitea da. Sarea. Lagunartea. Komunitatea.
Ez da marka bat; marka uzten du. Ez da itxura-aldatze ariketa bat; eraldatu egiten du. Ez da aisialdi-pack bat; bizipoza ematen du.
Herrilana auzolana da. Elkarlanean ikastola bat eraikitzea. Haurreskola bat. Euskaltegi bat.
Eskabidea klik batean egin dezakezu. Azken eguna azaroaren 14a
https://www.errigora.eus/nafar-hegoaldeko-uzta-euskarari-puzka