Haur eta gazteak modu askean jolasteko eta naturarekiko harremanak garatzeko emango dizkieten espazioak berreskuratu eta sortu nahi ditugu Durangon. Gure herriek porlanaren eta kotxeen presentziaren eraginez galdu dituzte aurreko generazioek izan zituzten aukerak berreskuratu nahi ditugu, hala nola kaleak eta herriko espazio anitzetan beraien jolasak sortzeko, erabilerak esploratzeko eta naturarekiko harremanak garatzeko. Horregatik, guretzat garrantzitsua da Durangoko hirigunean zuhaitzen landaketak eskaintzen digun aukera ingurumen naturalera hurbiltzeko.
Zuhaitzak landatzeak ingurumena behatzeko, ezagutzeko, parada emango die ekimenaren protagonista izango diren umeei. Galdera ugari planteatzeko eta erantzuteko aukera. Eta, garrantzitsuagoa izan daitekeena, beraien eskuekin eraikitako zerbait izanik, beraiek landatutako zuhaitzarekiko beste harreman bat sortzeko aukera izango dute. Naturaren zaintza egoki batera bideratu daitekeena.
Baina ez dugu hau ekintza isolatu gisa ulertzerik nahi. Egituratuta dauden espazioekin alderatuta, gure inguruan ditugun basoek, errekek, mendiek… aukera pribilegiatuak eskaintzen dituzte umeen gozamenerako eta beraien garapen integralean laguntzeko.