Plateruena

Erabiltzailearen aurpegia Marian Bilbatua 2021ko urt. 22a, 08:50

2020a Plateruenaren proiektuari egindako agur ekitaldiekin amaitu bagenuen ere, urte berriaren hasieratik lanean jarraitzen dugu Plateruenak euskarari eta euskal kulturari  egindako ekarpenari jarraipen berritua emango dion proiektua diseinatzeko.

EH Bilduko zinegotzi gisa, prozesuaren norabidearen inguruko zenbait gogoeta plazaratu nahi ditut gaurko zutabean:

• Durangon kultur ehun garrantzitsua dugu: arlo askotako sortzaileak, arlo desberdinetan lanean ari diren kultur taldeak, Udalak kudeatzen dituen kultur baliabideak. Guztien beharrak eta ekarpenak jasoko duen prozesu parte hartzailea ezinbestekoa izango da Plateruenaren etorkizuna irudikatzeko.

• Kulturaren kontsumotik haratago, proiektu berriak ondoko printzipioak bermatu beharko ditu: kulturaz bizitzeko eta gozatzeko espazioa izatea, sorkuntza eta transmisioa bermatzea, adin desberdinetako beharrei erantzutea.

• Kultura jendartearen kohesio eta integrazio tresna izanik. Durangoko gizarte anitzaren elkarbizitzarako baliagarria izango den espazioa bete beharko lituzkeen baldintzak eta parte hartzea bermatzeko bideak aurre ikusi.

Herritarron, herri mugimendu eta erakunde publikoen babesa izango duen proiektua  behar du izan. Parte hartzea bermatuko duena eta, aldi berean, ekonomikoki bideragarria izango dena. Alor desberdinetan garatzen ari diren kudeaketa publiko-komunitario-kooperatiboen ereduetan aurki ditzakegu baliagarriak egingo zaizkigun erreferenteak.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!