Denboraren afera

Erabiltzailearen aurpegia Koikili Lertxundi del Campo 2017ko aza. 17a, 08:30

Berehalako emaitzen gatibu bizi den gizarte honetan, sarri denborak urrearen besteko balioa duela esan ohi da. Agian, horregatik joango da gure eguneroko erritmoa abiada bizian. Zer esanik ez kirol profesionalean, 3 edo 7 egunean behin azterketa gainditu behar denean, hots, examina horren emaitzak guztia zipriztintzen duenean.

Beraz, emaitzaren eta denboraren arteko harremana gatazkatsua da, bai edo bai, are gehiago lehiakortasunari dagokionez, taldeak orain arte erakutsi duen lehiakortasuna irregularra izan denean.

Horrela, gure Athletic kutunera joz, aipatutako harremana egoera kaskarrean dagoela antzeman dezakegu, barruan daudenek (zuzendaritza, entrenatzaile, teknikari, jokalari...) denbora eskatzen duten bitartean, kanpoan dauden askok denbora agortu dela diotelako.

Nire iritziz, taldeak denbora behar du zaletuok ditugun espektatibak bete ahal izateko. Zergatik? Aulkian eta jokalarien artean aurpegi berri asko daudelako (Ziganda eta bere taldea, Cordoba, Nuñez, Vesga...), berriak ez baina orain arte protagonismo handirik izan ez dutenak daudelako (Saborit, Aketxe...), aurreko denboraldietan maila handia eman duten jokalariak aurredenboraldian lesionaturik egon direlako edo egun daudelako (Iturraspe, De Marcos, Yerai, Beñat...), entrenatzaile baten zikloa bukatu eta hurrengoa hastean emaitzak ez direlako berehalakoan etortzen, jokalariek entrenatzaile berriaren zigilua ulertu, sinistu eta asumitu behar dutelako...

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!