Elkarrekin egoteko guneak

Erabiltzailearen aurpegia Julian Rios Santiago (SQ-2D) 2018ko urt. 26a, 08:30

Ia lau urte igaro dira Durangaldean agertu ginenetik. Lau urte eraginkor eta bizi izan dira, instituzioak herritarrei zabaltzeko ahaleginean. Une batez, herritarrek nahikoa zela esan zuten, ez zeudela prest lau urtero txeke zuri bat emateko. Herriaren bizitza publikoan eta politikan parte hartzea eta erabakiak hartzea nahi dugu. Ez gure partez politika egin dezaten.

Gure alderdia herritarrei zabalik dago, durangarren bozgorailu izateko instituzioetan, hango ate-leihoak irekitzeko. Informazio dena denen eskura egon dadin.  

Bariku honetan beste pauso bat emango dugu. Elkarrekin egoteko gune berri bat inauguratuko dugu, formakuntzarako, eztabaidarako zein herritarren ahalduntzerako. Gune hori herritarren eskura jarriko dugu, elkarte eta mugimendu sozialen eskura. Gune horiek ezinbesteko ditugu gure ahalduntzerako, eta erantzukizunak, gardentasuna eta gobernuaren jarduera ona exijitzeko. Gune horretan kontuak eskatuko ditugu, gure proposamenak plazaratuko dizkiegu kargu politikoei. Azken batean, politika berri bat eraikitzeko gunea izango da, pertsonak direlarik politika horren ardatz, eta ez  inoren interesak. Antonio Machadok zioen bezala: “Egin ezazue politika, zuek egiten ez baduzue, inork egingo du-eta zuen ordez, eta agian zuen kontra”. Zatozte denok barikuan inauguraziora, Goienkale 13ra, 18:30ean.
*Erredakzioan itzulita

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!