Gizartea gobernarien aurretik

Erabiltzailearen aurpegia Julian Rios Santiago (SQ-2D) 2015ko urr. 9a, 08:30

Aurreko larunbatean, udaberrian Uholde Laranjarekin gertatu bezala, Durangoko herriak elkartasuna eta laguntza erakutsi zizkien Angelman sindromearen eragina duten familiei. Ekitaldi hauetako jai-giroak ez digu ahaztuarazi behar gaixotasunaren jatorria. Gobernuei esker, gastuen eta irabazien ardura baino ez duen industria farmazeutikoaren esku dago ikerkuntza medikoa.


Horrez gain, zientzialari bikainak ditugu, baina atzerrira irten behar izaten dute ikerketa horiek aurrera eraman ahal izateko, eta gehienetan, kapital pribatua erabilita.

Horren guztiaren eraginez, gutxiengo gaixotasunen eraginpean bizi diren familiak babesik gabe uzten dira. Familia horiek, beharrezko tratamendu gehienen kargu egiteaz gain, ikerketarako finantzazioaz ere arduratu behar izaten dute.

Gizarte moduan, ausart jokatzeko eskatu behar diegu gure politikariei, industria indartsu horri aurre egiteko eta konpromiso sozial eta etiko handiagoa exijitzeko. Gainera, eragiten duten minaren arduradun izatea ere exijitu behar zaie. Bestalde, aipamen berezia egin nahiko genioke, besteak beste, Talidominaren eragina duen kolektiboari. Gizarteak, beste behin ere, bere elkartasuna eta eskuzabaltasuna agertu ditu, gobernarien aurretik dagoela erakutsita, jai-giro alai eta dibertigarrian, San Fausto jaien bezperatan.

Herriaren Eskubideatik San Fausto jai zoriontsuak igaro ditzazuen opatzea aprobetxatu nahiko genuke, jai eta ospakizunak errespetu eta pluraltasun giroan bizi ditzazuen, indarkeriarik eta erasorik gabe.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!