Berdintasuna: Indarkeria Unitatearen finkapena, ikastetxeetako formakuntzak, Andragunearen irisgarritasuna hobetzea edo jaietarako protokolo berria ezartzea.
Adinekoak: jarduerak auzoetara zabaltzea; nahi gabeko bakardadeari aurre egiteko Kafelagun zerbitzua abian jartzea.
Gizarte-kohesioa: elkarteentzako laguntzak handitzea edo Aholku Sarearen zerbitzua hobetzea.
Haurrak eta gazteak: lehen aldiz udalekuak egingo dira irailean; sexu-aholkularitza zerbitzu berria martxan jarri da eta gazteentzako proposamena egin da jaietarako.
Merkataritza: % 20 handitu ditugu ekintzailetzarako laguntzak; saltokientzako prestakuntza-saioak egin ditugu eta komertzioen errolda abian jarri dugu.
Hirigintzari dagokionez, gure lehentasunak dira San Inazio parkea estaltzea, Tabirako aldagelak, Antso Estegizko bigarren fasea, Kapitanena zentro-zibikoa eta San Faustoko 16 etxebizitza sozialak betetzea.
Argi dugu ekintza txikiekin gure bizilagunen bizitza hobetzen dela, eta horretan jarraituko dugu lanean.