Beste alde batetik, hilabete daramagu hiri antolamendurako plan orokorreko (HAPO) tailerrekin. Lau tailer izan dira (ingurugiro fisikoa, eguneroko Durango, jarduera ekonomikoa eta etxebitiza) eta parte hartzea oso baxua izan da. Tailer bakoitzean 25-27 pertsonak parte hartu dute, jende bera tailer guztietan, eta tamalez gazteak ez dira gerturatu. Pena bat da hain jende gutxi egotea, eta are gehiago herriarentzat hain garrantzitsua izango den plan honetan. Horrek adierazten digu ez daukagula parte hartzeko kulturarik. Tailerretan aurrekontuetan lehenengo postuan dauden proiektuak errepikatu dira behin eta berriro, sare-berdearen plana amaitzea trenbidearen bidea jarraituz eta bizikletentzako bide gehiago egitea.
Datuak ikusita, argi dago horren inguruan ez dela behar parte-hartze prozesu gehiago egitea. Dagoeneko badakigu Durangoko Udalak inbertsio bat egin behar duela bidegorriak amaitzeko eta hobetzeko, eta sare-berdea handitzeko.