Patxikotxu, aurten ez dugu elkar ikusiko!

Erabiltzailearen aurpegia Jesica Ruiz 2020ko urr. 6a, 08:30

Asteburu honetan Durangoko jaiak hasi beharko genituzke. Zoritxarrez, daukagun egoerarekin ezin izango dugu ospakizuna aurrera eraman. Kuadrillako poteoak, familiako janariak edo kanpoko lagunei gure herrira etortzeko gonbidapenak alde batera utzi behar ditugu. Baina alde positiboa bilatu dezakegu, egun batzuk izango ditugu irteerak egiteko edo atsedena hartzeko aurretik daukagun udazkenari gogor eusteko. Orain lehentasuna guztion osasuna da eta hori denon ardura da.

San Faustoetan Durangoko kaleak zapi urdinez (bai JAEDekoak bai lauki zuri urdinekoak) betetzen dira. Guretzat egun bereziena, noski, San Fausto eguna da, urriak 13, eta hori ezin dugu ahaztu. Pena bat  izango da guretzat jaietako ekintzarik tradizionalena, artopil banaketa, ez izatea. Baina honekin erlazionatuta, ni proposamenak egin nahi dizkizuet, alde batetik balkoiak jaietako zapiekin dekoratzea eta bestaldetik zergaitik ez gara saiatzen gure etxeetan artopilak egiten?

Durangarrak arduratsuak gara eta horrela demostratuko dugu egun hauetan, ezin dugu atzerapausorik eman. Denbora hobeak etorriko dira eta hurrengo urtean gure kaleak kolorez eta jendez beteko ditugu. Baina, momentuz, hurrengo urtera arte Patxikotxu eta San Fausto.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!