Egun hauetan asko ari gara entzuten Koronabirusari buruz, baina emakume askok jasaten duten indarkeria matxista, hori bai bada birus arriskutsua eta etengabe dabilena. 2020ko bi hilabete eskasetan 14 emakumeren hilketa izan dugu. Hau onartezina da!
Berdintasunaren, parekidetasunaren eta kontziliazioaren alde jarraitu behar dugu, emakumeoi dagokigun lekua izan dezagun. Ezin gara geldi geratu. Nahiz eta gauza asko lortu, oraindik egiteko bidea daukagu eta elkarrekin egin behar dugu. Helmuga gero eta gertuago dago eta denok batera heldu behar gara.
Mugimendu feministak eta udalak hainbat ekintza antolatu ditugu elkarlanean Martxoak 8ren inguruan: Lilakrosa, abesti feministen lehiaketa, hitzaldiak eta film proiekzioa (zinegoak eta Comandante Arian). Durangar guztiak animatu nahi ditugu antolatutako mobilizazio eta ekintza guztietan era aktiboan parte har dezaten.