Bisitak Montoiko argazki zaharrak azaltzeko

Ikusmin handia sortu du Iurretako Montoiko zubian Iurretako Udalak eta Gerediaga Elkarteak ipini duten argazki zaharren erakusketak. Herritarrek eskatuta, argazkien jatorria azalduz, bisitak antolatuko dira apirilaren 25ean, 30ean, maiatzaren 7an eta 9an. Larunbatetan goizeko 11etan izango da eta ostegunetan arratsaldeko 7etan. Interesa daukanak Iurretako Ibarretxe Kultur Etxean eman behar du izena.