EH Bilduko zinegotzi bezala ospatzen ditudan bigarren San Fausto jaiak dira, eta azken aste hau hunkigarria izan dela esan beharra daukat.
Txosna guneko txupinazoa lehenik, udaletxekoa ondoren, Artopil banaketa San Fausto egunean, Landako Eskolako gazteen txupinazoa, hainbeste urteren ostean berreskuratutako goitibehera jaitsiera, orotariko kontzertuak eta ekitaldi ezberdinak egunetan zehar. Durango herria jai giroan ikustea zoragarria da, eta aurten ditugun ekitaldi eta ekintza ugariaz nola gozatzen duten ikustea are politagoa.
Asteburu konpletoa dugu aurretik oraindik ere. Iraganeko edo geroko garaira eramango gaituen mozorro eguna, tortilla txapelketa, txikientzako jolas parkea, eta beste hainbat ekitaldi.
Jarrai dezagun jaiez gozatzen. Jarrai dezagun errespetuzko jai giroaz disfrutatzen. Eskerrik asko ekitaldi eta ekintza guztiak antolatu dituzuenoi eta baita hauetan parte hartu eta ondo pasatzen duzuenoi ere. Zuok gabe ez litzateke jairik izango.
Eta ez ahaztu, GOZATU BAI BAINA ERRESPETUZ JOKATU!