2022ko otsailean, Eusko Jaurlaritza, gehiengo zabal batez onartuta, Durangaldeko osasun egoeraren inguruko diagnostiko bat egitera konprometitu zen. Diagnostiko horri esker, gure herrian eta inguruko herrietan osasungintzan dituzten premiak zeintzuk diren jakingo dugu. Hala ere, diagnosi horren emaitza itxaron beharrik ez daukagu, denok baitakigu lehen arreta eta pediatria zerbitzuetan adibidez hutsune nabarmenak ditugula.
Medikuarekin hitzordu bat izateko astebete itxaron behar izatea, edota haurra gaixo eduki eta 18:00ak izateagatik Gurutzetako ospitalera jo behar izatea ez da osasun zerbitzu on baten emaitza. Durangon ditugun bi anbulatorioek paziente karga handia dute, eta, beraz, hauek indartzea derrigorrezko eta ezinbesteko ekintza da.
EH Bildutik, zerbitzuaren aldeko benetako apustua egin eta beharrezko diren bitarteko material zein pertsonalak jartzea ezinbesteko dela ikusten dugu.
Osasun zerbitzu duin baten alde lanean jarraituko dugu!