Absurdua dirudi, ordu luzeetan eserita, noizean behin besoa luzatu eta beste ahaleginik egin gabe hainbeste energia fisiko behar izatea. Robert Sapolskyk, Stanfordeko Unibertsitatean primateen estresa aztertzen duen neurologoak, dio xake jokalari batek 6.000 kaloria erre ditzakeela txapelketa bat jokatzen duen bitartean. Pertsona batek egunean kontsumitzen duen baino hiru aldiz gehiago. Txapelketa handien aurretik, txapelketa jokatu bitartean eta txapelketaren ondoren, arnasaren maiztasuna, presio arteriala eta giharretako uzkurdurak oinarri hartuta, Sapolskyk baieztatu du Xakeko Maisu Handiek (GM) partida batean jasandako estresari emandako erantzunak maratoiko korrikalarien erantzunak bezalakoak direla. Estres horrek, halaber, energia gehiago ekoiztera behartzen ditu jokalariak, gorputzak oxigeno gehiago bidal dezan burmuinera.
Honekin batera, xakean elikadurak duen garrantzia datorkit burura. Gai hori hurrengo batean landuko dugu.