Gaur, 19:00etan, Arriolan izango gara!

Erabiltzailearen aurpegia Elorrioko Gure Esku Dago 2014ko api. 29a, 13:38

Elorrion bagabiltza erabakitze eskubidearen alde lanean. Gure Esku Dago taldea aurkezteko gaur 19:00etan daukagu hitzordua. Ekimenaren berri emateko gurean izango dira Zelai Nikolas eta Iñaki Zarraoa, eta horrez gainera hainbat sorpresa izango ditugu: bideoa, zozketa, eskoziar eta katalanen testigantzak...

 

Elorriar guztiak zaudete gonbidatuta. Gure Esku Dagon buru-belarri dabiltzan Zelai Nikolas eta Iñaki Zarraoa izango dira gonbidatu nagusiak, baina horrez gain, erabakitzeko eskubidea Eskozian eta Katalunian zelan bizi duten jakin ahal izango dugu, Elorrion bizi den eskoziar baten eta Abadiñoko katalan baten testigentzetatik.

Aurkezpenean Elorrixon grabatu dan bideoa, zozketak, familia-argazkia... edukiko ditugu. Ekainaren 8ko giza-katerako metroak eta kamisetak erosteko aukera ere egongo da aurkezpenaren aurretik eta ostean.

Elorrio
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!