Apirilaren 3an, igandea, Euskal Herriko hainbat tontor igoko dira euskal presoek eta hauen lagun eta senideek jasaten duten dispertsioa salatzeko asmoarekin. Txindoki, Gorbea, Anboto eta Beriain izango dira igoko diren mendiak, Sare Herritarrak antolatutako ekimen nazional baten baitan.
Bizkaitarrok Urkiolako Santutegian izango dugu hasierako geralekua goizeko 9:30etan. Bertatik, Anboto igotzera joango gara eta bueltako bidean, Pol-Polen ekitaldi bat egingo da. Abadiñarrak adibidez, 8:30etan Atxarten geratuko dira bertatik Urkiolara elkarrekin igotzeko asmoarekin. Hemendik, giza eskubideak eta natura batuko dituen ekimen honetan parte hartzera animatzen zaituztegu.