Hau Durangoko gobernu taldearekin hartu nuen konpromisoa da, eta beste konpromiso batzuk bete baditu ere, hau oraindik ez du bete.
2023tik urtero nabil proposamen hau defendatzen eta diru-partidak eransten, eta duen garrantzia kontuan hartuta, 2026an martxan hasi behar luke, udako autobus zerbitzu gisa, Tabirako igerilekuen irekierarekin batera. Proiektu pilotu hau arrakastatsua bada, zerbitzua urte osokoa izatera zabalduko da 2027an, eta azkenik, 2028an, Abadiñoko eta Iurretako udalekin akordio bat lortzea litzateke helburua, zerbitzua hiru udalek partekatzeko. Foru Aldundiaren laguntzarekin izango litzateke, zeinak dagoeneko bere oniritzia eman duen.
Beraz, Durangoko udal autobus proiekturako finantzaketa lortzearen alde egingo dut, hilabete gutxiren buruan gure bizilagun guztientzat, batez ere adinekoentzat, errealitate bihur dadin.