Durangoko Udaletik, proiektu hau erabakitasunez sustatzeko konpromisoa hartu dut, eta baita dagokion erakunde guztietan defendatzeko ere. Hala ere, nire proposamena urrats bat harago doa. Durangoko barrutiko ospitalea unibertsitate ospitale bat ere izatea nahi dut, erizaintzako fakultate edo unibertsitate eskola bat barne hartuz. Honek osasun-laguntzan hobekuntza nabarmena ekarriko luke, bai Durangoko bai Durangaldeko eskualdeko bizilagunentzat. Eta unibertsitate-ospitalea denez, ez du osasun-laguntza soilik eskaintzen, irakaskuntza-funtzio funtsezkoa ere betetzen du. Eskualdeko ospitalea izanik, ikasleei erizaintzako espezialitate gehienak egiteko aukera emango lieke, Durango unibertsitate-hiri bihurtuz. Eraldaketa honek hezkuntza- eta lanbide-aukera bikaina ekarriko lieke gure gazteei, eta, aldi berean, erizaintzako ikasleak erakarriko lituzke, gure komunitatearen bihotzean Durangok duen kokapen geografiko pribilegiatuari esker. Gainera, gure ospitalean erizaintzako unibertsitate-fakultate edo eskola bat izateak osasun-sisteman premiazko behar bati aurre egiteko aukera emango liguke: profesionalen eskasia. Ez dago medikuen eskasia bakarrik, baita erizaintzako langileen eskasia ere.
Ezin dugu gehiago atzeratu. Durangoko barrutiko ospitalea erakunde guztien lehentasun absolutua bihurtu behar da, trenbide lurrak eskaintzen duen aukera aprobetxatuz.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!