Gizon batzuek emakumeak jipoitzen dituzte eta batzuetan erail, beraien jabeak izango balira bezala.
Enpresetan edo politikan goi kargua duten batzuek bere azpikoa mespretxatzen dute.
Sare sozialetan mehatxuak, mespretxuak eta faltsukeriak non-nahi.
Zoritxarrez, horrela luze jarraituko nuke.
Gizon-emakume guztiok amaren sabeletik jaiotakoak bagara, biluzik, blai-blai, ahul eta menpekotasun guztiekin, gero, zergatik bihurtzen gara hain maltzurrak?
Inor ez da inoren jabea, orduan utzi bakean lagun hurkoari eta egin dezagun gure bizitza elkarri lagunduz eta ahal bezain zoriontsu.
Ea tortillari buelta ematen diogun eta elkarri lagunduz eta elkar “ez zapalduz” gizartea bide onetik bideratzen dugun, eta mundu honetan gauden bitartean egin dezagun maitasuna eta ez gerra. Hala bedi!