Bizkaiko autopistetan hilean gehienez 30 euro ordaintzeko ekimena jarri du martxan diputazioak, eta oso ondo! Gipuzkoan ere horrelako zerbait badaukate, eta batez ere lanagatik autopista egunero hartu behar duten herritarrek asko eskertuko dituzte horrelako neurriak.
Ederto, primeran! Eta zer gertatzen zaio Zornotzan bizi eta Zumaian lan egiten duenari? Bilbon behar egiten duen arrasatearrari? Donostia aldera egunero jo behar duen abadiñarrari? Ermua eta Eibar arteko muga horretan zulo beltz bat dago ala? Bizkaitarron autoek buelta erdia ematen dute efekto paranormal bat tarteko? Bergaran erroldatu behar gara alboko probintziako foru aldundiak autopistan lapurretarik egin ez diezagun?
Atzo, Bilboko metroan irakurri nuen gehienez 30 euro ordaintzeko "txollo"ari buruzko eskuorria. Honuzkoan, nazionaletik bueltatu nintzen.