Goiz batez Urkiolan zehar

Erabiltzailearen aurpegia

Eguzkiarekin batera bueltan datoz Alpino Tabiraren zapatu goizetako irteerak. Hurrengo hitzordua, zapatu honetarako da, martxoak 7, 9:10-ean Madalenako autobus geltokian. Lineako autobusean Otxandiora abiatuko gara, bertan Urkiolako parke naturalean zeharreko ibilbide eder bat burutu edota ezagutzeko. Animatu gure ingurua ezagutzera!! Eta ez ahaztu botak eta...batez ere...hamaiketakoa!

Zapatu goiz honetarako bi ibilbide proposatzen doguz. Biak ere Otxandiotik abiatuko dira GR38-an zehar eta tartean Maltsaso eta Ollargan-eko tontorrak bisitatuko doguz. Bigarren honen berezitasuna da 1952. urtean gure mendi taldeak buzoia ipini ebala bertan, nahiz eta, gaur egun barriztatua dagoen.

Ollarganera heltzean bi aukera eukiko doguz. Lehenengoa, 11 km ingurukoa, Urkiolara joatea izango da Artzaintzaren Ibilbidea jarraituz. Behin Urkiolan, 13:00 inguruan Durangorako lineako autobusa hartzeko aukera dago. Bigarrena, 15 km-koa, basoan barneratuz Asuntzera (Pol-Pol) igotzea izango da. Bertatik Larranora joan eta azkenik Axpera bajatzeko. Asmoa 14:00 inguruan Axpen egotea izango da, gero lineako autobusean Durangora bueltatzeko. 

Oso gomendagarria da, batez ere ibilbide luzerako, botak ekartzea. 

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.