"Bizidun izatea eta bizitzari bizia ematea esan nahi du, berez, haurdun izateak”, hau da lagun batek esan didana: bizitzari bizia ematen ari zarela sentitzen dut? Orduan, ama izan nahi ez dutenek, edo “bizitza” horri amaiera ematea erabakitzen dutenek ezin diote bizitzari bizia eman? Egia esan, ez dut erantzunik ezagutzen galdera horretarako, baina dakidana da lehenengo aldiz neure barruan bihotz taupada hori ikusi eta entzuterakoan, behintzat niretzat mundua gelditu egin zela eta ez zegoela sentimendu hori estali zezakeen ezer.
Gaur arratsaldean, doppler deitzen den teknika ekografikoa daukat eta urduri nago ikusi egin behar dudalako, eta urduri zerbait gaizki topatuko duten beldurrez. Gainera, mediku izatea askoz okerragoa dela ere uste dut, gerta daitezkeen patologia guztiak ezagutzen ditudalako.
Edonola ere, barruan dudan txiki horrek motibatzen nau pandemia honi aurre egiten jarraitzeko eta egunez egun bizi dugun mundua hobetzeko.
