Medikua naizen aldetik eta inoren gaixotasuna, mina zein heriotza gertu-gertutik bizi ditudan aldetik, zenbait kasutan eutanasia aplikagarria dela deritzot: gaixoak bere sufrimenduari eta duintasunik gabeko bizitzari amaiera eman nahi dienean, adibidez. Gaixoak bere erabakiak hartzeko gaitasuna badu, eta medikuntzaren aldetik ezin bada beste ezertxo ere egin, pertsona guztiok ba al daukagu ala ez daukagu geure bizitzari buruzko erabakiak libreki eta indibidualki hartzeko eskubidea?
Orain dela aste batzuk heriotzari buruzko artikulu bat idatzi nuen. Gaur, eutanasiari buruzko telebista programa bat ari naiz ikusten Txilen, eta uneoro Espainia aipatzen ari dira. Ramon Sampedro, 25 urtean zehar heriotza duina lortzeko borrokatu zen gaixo tetraplegikoa, eta Mar adentro film famatua izan dute ahotan. Kasu honetan, 47 urteko emakume batek duintasunez hiltzea eskatzen dio hemengo gobernuari. Txilen, Espainian bezala, oraindik ez dago alor hau erabat arautzen duen legerik.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!