Durangoko saihesbidean hormigoi-kamioi bat irauli da

Istripuko irudia (Argazkia: @BomberosIurreta)

14:45ean gertatu da istripua BI-623 errepidean, saihesbideko biribilgune baten irteeran eta Bilborako noranzkoan. Gune horretan errepidea itxita egon da ordu bi baino gehiagoan. Kamioia erretiratu eta 17:30 inguruan ireki dute berriro.

Istripua jazo eta segituan suhiltzaileak bertaratu dira. Zauritu bat kamioitik atera ondoren, anbulantzian Galdakaoko ospitalera eraman dute, Bizkaiko suhiltzaileek eta SOS Deiak-ek informatu dutenez.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.