Iazko abenduan Gabonetako apaingarriak egiteko eskulan tailerra antolatu zuen udalak. Harrera ona izan zuenez errepikatzea erabaki dute. Oraingoa asteburuko inauterien harira antolatu dute. Eguen honetan, otsailaren 23an, 17:30ean jarri dute hitzordua jubilatuen lokalean. Askotariko apaingarriak egiteko materiala eskuragarri jarriko dute eta gaztetxoei zein gurasoei bertaratzeko gonbita luzatu diete.