Ekimen horren barruan, munduko gaztarik onenak sarituko dituzte Munduko Gazta Sariketan. Durangaldeko ordezkaritza zabala izango da, eta Jesus Garate izurtzarra da parte hartuko duenetako bat. Aurtengoa txapelketa horretara aurkezten den lehenengo aldia izango da, eta “ilusioz” dagoela adierazi du. Bi ataletan aurkeztuko du Mugarra markadun gazta: ardi gazta onduaren atalean, eta gazta-ekoizle txikien atalean. Horrez gainera, gazta erakusketan ere parte hartuko du, postua jarrita.
Guztira, 3.000 gazta inguru aurkeztuko dituzte txapelketara, eta Garatez gainera, Durangaldeko beste hainbat ekoizle ere aurkeztuko dira: Atxondoko Joseba Baseta, Otxandioko Andoni Padilla, Abadiñoko Pedro Martin Unzalu eta Eli Ingunza (Unzalu-Ingunza Txori-Errota ondasun erkidegoa), Aitor Urien, Durangoko Itsaso Barrenetxea eta Iurretako Jaio anaien Jaio Gaztak S.L. izango dira.0