San Iurgi elkarteak abendura arteko ehiza lerroak zozkatuko ditu. Aurten, ia bikoiztu egin dute postuen eskaintza. Orain arte, Bitañoko zortzi postuak zozkatzen zituzten; aurten, beste lerro berri bat sortu dute Mendiganen —Larrinagatxuko bailara hartzen du— beste zazpi postugaz. Beraz, aurten 15 postu daude aukeran.
Iraileko eta urriko postuak gaur, 20:00etan, zozkatuko dituzte Argintxu elkarteko lokalean. Azaroko eta abenduko postuak, berriz, irailaren 30ean, 20:00etan, banatuko dira Argintxun. Eskaerak egiteko orriak Izurtzako gasolindegian eta Antonio Txiki okindegian daude. Orriak uzteko buzoia udaletxerako sarreran dago.