Orain arte, urtero, gisatu, paella edo marmitako lehiaketak txandatu izan dituzte. Aurten mundu osoko gastronomiari atea irekita aire berri bat eman gura diote ekimenari. Bigarren helburu bat errazten du erabaki horrek; partaideek aukera handiagoa izango dute mozorrotzeko. Izan ere, irabazlea erabakitzerako orduan plater bakoitzaren kulturari loturako disfrazak eta dekorazioa ere aintzat hartuko dira.
Sukaldariak epaimahai
Epaimahaia parte-hartzaileek eurek osatuko dutela da lehiaketaren beste kuriositateetako bat. Platerak kozinatu ondoren —12:00etan hasita— mahai bakoitzeko sukaldari bik besteek prestatu dutena probatu, eta janaria, disfrazak eta dekorazioa baloratuta hiru onenak aukeratuko dituzte.