Izurtzako Jaiak 2016

100 euro jasoko ditu Izurtzako jaietako argazkirik onenaren egileak

Anboto 2016ko ira. 1a, 10:20

Izurtzako jaietako argazki lehiaketaren bigarren aldia egingo dute aurten. Hiru sari banatuko dituzte: irabazleak 100 euro jasoko ditu; bigarrenak 75 euro, eta hirugarrenak 50 euro.

Parte-hartzaile bakoitzak hiru argazki aurkeztu ditzake gehienez, irailaren 12tik 30era bitartean, Izurtzako udaletxean. Gutunazalean, argazkiekin batera, egileak hainbat datu ere gehitu beharko ditu: ezizena zein benetako izen-deiturak, adina, telefonoa eta posta elektronikoa. Izurtzako kultura batzordeak eta jai batzordeak osatuko dute epaimahaia, eta urriaren lehenengo astean batuko dira lanak baloratzeko.

Lehiaketako oinarri guztiak www.izurtza.net-en eskuratu daitezke.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!