Aldundiak zioen, legeak jasotzen dituen baldintzak kontuan hartuta, Planak ez zuela nahikoa justifikatzen zoru horiek hiri-lur mantentzea. Harrezkero, gune horretarako plana lantzen aritu da udala. Dokumentu berria pasadan asteko udalbatzarrean onartu zuten, gune horietako auzotar batzuek aurkeztutako alegazio batzuk partzialki gehituta. Gune batzuk hiri-lur lez mantendu —hau da, bertan eraiki egin daiteke— eta beste batzuk landa-lurzorura aldatu dituzte. Agiriari Aldundiak eman beharko dio azken baietza.
EAJ abstenitu egin zen bozketan. Jeltzaleek uste dute Gobernu Taldeak gehiago egin zezakeela gune denak hiri-lur lez izendatuta geratu zitezen. EH Bilduren esanetan, denak hiri-lur mantentzea zen lehen proposamena, baina Aldundia izan zen hori atzera bota zuena.