Besteak beste, diru kontuen balantzea azalduko dute. 100 bat euroko balantze positiboarekin amaitu dute urtea, Karmelo Irastorza elkarteko lehendakariaren esanetan. Beraz, sarrera-gastuak orekan dituzte. Bi urterik behin, sei laguneko zuzendaritza batzordea berritzen dute, eta aurten egokitzen da. Orain urte bi, ez zen lehendakari kargurako hautagairik aurkeztu, eta Irastorzak jarraitu zuen. Aurten ere, inor aurkeztuko ez balitz, Irastorzak dio karguan jarraitzeko prest dagoela. Batzar ostean luntxa egongo da.