Termitek eragindako kalteak konpondu dituzte Izurtzako bizileku bietako batean

Udaletxea dagoen eraikinak termitak ditu, eta arazo horri aurre egiteko lanek aurrera diraute. Eraikinaren atzealdean aurkitu da termiten habia, eta, ondorioz, gune hartan eragin du kalterik gehien: tabernako sukaldean eta etxebizitza bietan. Tabernako lanak izan ziren aurreneko burutu zirenak. Oraintsu, bi bizilekuetatik bateko tratamendu eta konponketa lanak amaitu dituztela iragarri dute udal ordezkariek.