Aparkalekuak lepo eta plaza ere bai. Jende asko batu zuen atzoko azokak. Askotariko postuak egokitu zituzten frontoian. Plazan dantza saioa eskaini zuten Mendigaineko dantzariek eguerdian. Jubilatuen lokaleko sarreran argazki lehiaketako argazkirik onenekin erakusketa antolatu zuen. Pilotalekuko postuen artean denetarik aurkitu zitekeen. Maider Unda kirolari oletarrak, esaterako, etxean egindako gaztak eraman zituen. Euskal pasteletan Euskal Herriko txapelketa irabazi dutenek ere postu bat izan zuten.