Hainbat baldintza bete beharko ditu kartelak. Denek Izurtzako jaiak 2015 leloa izan beharko dute. Horretaz gainera, jaien ezaugarriren bat jaso edo adierazi beharko dute. Alor teknikoari dagokionez, kartelaren formatuak bertikala izan behar du nahitaez, eta 50x70 zentimetroko neurria aurkeztu behar da. Gura duenak kartela informatika euskarrian (CD edo USB memoria) aurkeztu ahal izango du. Kartelak egiteko erabili beharreko teknikan ez dago mugarik; sortzaileek gura duten teknika erabili dezakete. Lehiaketako irabazlea zein izango den aukeratzeko epaimahaia Kultura Batzordeko kideek osatuko dute, eta baliteke aurkeztutako lanekin erakusketa bat antolatzea.