Gune hartako harea ez dago ondo banatuta, eta dena altxatu gura dute, ondoren, esaterako, belarragaz berritzeko. Behar den tokietan txin-txaun berriak egokitu gura dituzte, batzuk zaharkituta geratu direlako eta beste batzuk ostu egin dituztelako. Zoruan dagoen babesgarria ere berritu gura dute. Gainera, jolas parketik gorantz eta errekari parelelo doan pasealekua garbitu, eta egoki ipiniko dute. Azkenik, ermitara heldu aurretik, bidegorriko zati batean euriteek bere sasoian eramandako harea ere berritu gura dute.