Diruz lagundu daitekeen gastua haurraren beharrizanak estaltzera zuzendu beharko da, eta gastuak umeei bideratutako artikuluak merkaturatzen diren saltokietan egin ahalko da: farmaziak, haurren arropa denda, etxerako haurrentzako osagarrien denda, eta haurren elikadura eta higienerako dendak. Beste baldintzetako bat da onuradunak Izurtzan erroldatuta egotea 36 hilabetez; diru-laguntza jaso ostean ere, beste 36 hilabetez erroldatuta egon beharko dute. Ordenantzaren nondik norako guztiak udaletxean jaso daitezke; oraindik udalbatzarrak ez du ordenantza behin betiko onartu.