Eguenetako Klubaren sustatzaile nagusi izan den Cristina Morak taldea utzi du, Miguel Delibes idazlearen gaineko Nadie llora a Don Ambrosio antzezlaneko gidoilari eta zuzendari zereginetan lanpetuta dabilelako. Beraz, Egunetako Klubeko lagunak datorren eguenean batzartuko dira, klubagaz zelan jarraitu erabakitzeko: “Ez dakigu zelako egituragaz, baina batzen jarraituko dugu, hartu-emanak mantentzeko gune ona delako”, esan du klubeko Toñi Jimenezek.
Bitaño kultur elkarteko Cristina Moraren ekimenez, orain lau urte sortu zuten Eguenetako Kluba. Izurtzarren arteko hartu-emanak sendotzea zuen helburu, askotariko ikastaroak antolatuta. Jubilatuen egoitzan batu izan dira, eta, jubilatuekin hasi bazen ere, denbora joan ahala, adin askotako jendea batu da eguenetako hitzordura.