Herritarren artean galdeketa egin ostean, iaz ere onartu zuten plana behin-behinen, baina Jaurlaritzako eta Aldundiko organoek aldaketa estrukturalak ezarri zizkioten: saihesbidea planetik atera, eta eraiki daitezkeen etxebizitza kopurua gutxitu behar izan dute, 90 bizilekuetatik 45era.
EAJren ustez, gobernu taldeak “bazekien zein zen errealitatea” aurreko plana onartu zenean; ondoren, herritarrei berriro zuzenean informatu ez izana salatu zuen.
Aurreko legegintzaldiko gobernu taldeko Iker Ballarinen ustez, saihesbidearen gainean “borondate politikoa egon balitz, onartuko zen; badakigu Aldundian nortzuek agintzen duten”. Luis Ballarin (Bildu) alkatearen esanetan, “alferrik da berriro herri batzarra deitzea, erabakiak goiko organoetatik inposatuta datozenean”.