Gaineratu dutenez, “tristuraz ikusten dugu agertzen diren gaiak hirigintza batzordeetan landu ez direlako”. Jeltzaleek azaldu dutenez, “ahoz informatu gaituzte eta oraindik erabaki hori ez da berretsi udaletxean”.
EAJk dio ulertzen duela udaletxearen proiektua “bideragarri” egin behar dela, “baina EAJtik etxebizitza horiek herritarrentzako bakarrik izatea defendatuko dugu, eskualdekoak ongietorriak izan arren”.
Era berean, udalak zazpi garaje eta pisu bat erosiko dituela azaldu du EAJk. “Udaletxearen erabaki bat baldin bada, gainontzeko alderdi politikoei informatu behar zaie, komunikabideetan atera baino lehen”.
Luis José Ballarin alkateak kritika honen aurrean adierazi duenez, horrelako polekimek ez dute zentzurik. Oskar Zarrabeitia EAJko zinegotziari hurrengo egunean azaldu ziola gaia gaineratu du alkateak. Bilduk ere EAJk publiko egindako albiste batzuk prentsaren bidez ezagutu dituela dio.