Nagusien mailako finalak erabakita daude dagoeneko: Jabi Iriondok eta Miguel Alvarezek Iñaki Undagoitia eta Jon Arriagaren aurka jokatuko dute, lehiatua espero den finalean.
Bigarren mailako finalak gaurko finalerdietan erabakiko dituzte, 20:00etatik aurrera. Lehenengo partiduan Beñat Albizurik eta Ibai Gerenabarrenak Jose Luis Martinez eta Mikel Gonzalez izango dituzte kontrario. Martinezek 62 urte ditu, baina oraindik asko jokatzen du palan, antolatzaileek azaldu dutenez. Ondoren, Jon Unzuetak eta Jon Jauregik izurtzako bikote gazte baten kontra jokatuko du: Anartz Ajuriaren eta Zigor Gallastegiren kontra. Unzueta eta Jauregi dira faborito, baina izurtzarrak sorpresa ematen saiatuko dira.