Jaiei agur esan aurretik, ekitaldiz betetako bigarren asteburua dute aurretik izurtzarrek.
Bihar, 12:30ean, Santo Tomas eguna ospatzeko, bertso saio interesgarria antolatu dute mezaren eta dantza saioaren ostean: Garikoitz Sarriugarte, Eñaut Uruburu eta Aitor Bizkarra ariko dira bertsotan.
16:30ean, aldiz, urteroko mendi bizikleta martxari ekingo diote. Gauean, afari herrikoiari jarraipena emanez, Luhartz taldeak erromeria eskaniko du. Domekan, umeak izango dira ekintzen erdigune: Kiki eta Koko pailazoak izango dira 17:30ean eta, ondoren, tailerrak, Etxetorreko gazteek gidatuta.