Bizkaiko Foru Aldundiak sustatutako BiscayTIK proiektuan parte hartzeko agiriak aho batez onartu ditu Izurtzako udalbatzarrak. Beraz, BiscayTIK proiektura batu da Izurtza.
Egitasmo horrek helburu nagusi bat du: administrazioa eta bertako jardunbidea herritarrengana hurreratzea, eta, informazio teknologien esparruan, Bizkaia erreferente bihurtzea.
Proiektuak hiru ardatz ditu: herritarrentzako doako posta elektronikoa eskaintzea hartu-emanak sustatuta, herritarrek izapideak egiteko web ataria sortzea, eta udaletarako programa informatikoak garatzeko eta ahalbidetzeko lan egitea.