Udalak Izurtzako jaietako kartel lehiaketa abiatu du, ekainaren 14ra arte. Kartelean honako mezu hau agertu behar da: Izurtzako jaiak 2013. Horrez gainera, jaietako ezaugarriren bat ere jaso edo irudikatu beharko da. Irabazleak 250 euro jasoko ditu.
Lehiaketara aurkezten diren kartelek 50x70 neurrikoak izan behar dute. Berori osatzeko teknika librea da. Lehiaketaren ondoren, udalak erakusketa bat antolatu dezake parte-hartzaile denen lanekin. Kartel lehiaketarako oinarriak www.izurtza.net webgunean aurkitu daitezke.