Udalaren materialagaz egin dituzte markesinak.
Aste hasieran autobusek Izurtzako geltoki berri biak estreinatuko dituzte. Beharbada astelehenean bertan, udal ordezkarien esanetan. 2013an Bizkaibusek autobus zerbitzua Mañariara arte zabaltzeko asmoa duenez, Izurtzako Udalak geltokietako markesinak ipintzeko diru-laguntza eskatu zion garraio enpresari. Erantzuna, dirurik ez dagoela. Ondorioz, udalak egin ditu markesinak, almazenean zituzten banku luze bi hartu eta horiei poliuretanozko egitura gehituta.
Lanak atzeratu egin dira, semaforoen programazio kaxa bategatik. Kaxa tokiz aldatu behar zuen Aldundiak, baina kableak luzatzeko hiru aste eman dituzte. Handik hurbil semaforo berri bat ipini zuen arinago Aldundiak, eta udalak aurreikuspen falta kritikatu dio, geltoki berriko aldaketak orduan ez egin izanagatik.