Kartel bi aurkeztu dituzte Izurtzako jaietako kartel lehiaketara eta Kultura Batzordeak Iker Laka Barandikaren lana aukeratu du.
Lakak hamazortzi urte ditu eta eibartarra da, baina familia du Izurtzan. Lakaren kartelean herriko jaiak ospatzen ari diren herritarrak ageri dira, marrazki batzuen bidez irudikatuta: batzuk dantzan dabiltza, besteak edari baten laguntzagaz berbetan…
Maialen Sarasua zinegotziak kartelaren aukeraketa arrazoitu du: “Azken batean herriko jaiak pertsonak dira, ekitaldietan parte hartzen duten lagunak. Hori da jaietako oinarria. Iker Lakaren kartelak ideia hori hobeto adierazten zuela uste dugu eta horregatik aukeratu dugu berak aukeztutako lana”.