Frontoiaren atzealdean egin asmo dituzten etxebizitzak zelakoak izango diren definitzeko, ideia lehiaketa abiatuko du Udalak.
Orain oinarriak zehazten ari dira, gutxieneko baldintzak prestatzen, eta hilabeteren barruan lehiaketa martxan ipintzeko asmoa dute. Herritarren artean egin zuten galdeketa bat, eta han irtendako ondorioak erabiliko dituzte oinarriak osatzeko.
Bestalde, etxebizitza berrien lanak hasi aurretik hainbat azterketa egin behar dituzte (azterketa akustikoa, tartean), eta Azterlanen bidez ari dira egiten.