Bihar burutuko dute 2012rako udal aurrekontuaren gaineko udalbatzarra. Bilduko gobernuak ogasun batzordean egindako proposamenari EAJk egindako ekarpenak barne hartuta, iazkoa baino %1,22 txikiagoa den udal aurrekontua proposatuko dute batzar horretan, guztira, 716.000 euro jasotzen dituena.
Inbertsioen atalean, 233.000 euro aurreikusi dituzte aurrekontu proposamen horretan: Bilduko alkateak aurreratu digunez, Elizalde auzoko uren sarea konpontzeko 20.000 euro; Plan Orokorraren berrikuspenagaz jarraitzeko 51.000; etxebizitza sozialak egiteko proiektuaren idazketa eta exekuziorako 107.000; eta herrian autobus geltoki berria atontzeko beste 22.000 euro bideratzea proposatuko dute, besteak beste.