Itziarren Semeak, BEK eta Zirkinik Bez, zapatuan.
Erdoitzako Andra Maria eguna ospatzeko, meza, Mendigain dantza taldearen emanaldia eta Jabier Iriondo palistari egindako omenaldia izan dira, gaur, Izurtzan.
Joan zen barikuan abiatu zituzten jaien bigarren asteburuari ekin diote, beraz. Irailaren 10ean, zapatuan, Disfraz Gaua ospatuko dute: herri afaria egingo dute, 21:00etan, eta Itziarren Semeak, BEK, eta Zirkinik Bez taldeen kontzertuak izango dira 23:00etan.
Domekan da jaien azken eguna, eta goizetik, Jaizale taldearen doinuekin ekingo diote egunari. Dantzak, bertso saioa, jubilatuen bazkaria eta mus txapelketa izango dituzte, besteak beste.