Orain astebete txupinazoa jaurti zutenetik herrian bizi den jai-giroa asteburuan biziagotzeko, arratsalde zein gauerako hainbat proposamen batzen ditu Izurtzako jai-egitarauak asteburuan.
Orain astebete txupinazoa jaurti zutenetik herrian bizi den jai-giroa asteburuan biziagotzeko, arratsalde zein gauerako hainbat proposamen batzen ditu Izurtzako jai-egitarauak asteburuan.
Frontenis txapelketaren finalerdiak eta finalak jokatuko dituzte frontoian barikuan, 18:00etan, eta DJen txanda izango da gauean, 23:00etan hasita, Gaztelekuan.
Goizean barik arratsaldetik igarriko da, zapatuan, jai-giroa gehien. Kirolagaz da biharko lehenengo hitzordua ere: mendiko bizikleta ibilaldia antolatu dute 16:00etan. Afalorduaren bueltan, bestalde, tortilla txapelketa eta cous-cous dastaketa izango da gerturatzen diren guztientzat.
Domekan, 10:00etan ekingo dio Jaizale taldeak azken jai-eguna musikaz berotzeari, eta Mendigain dantza taldearen emanaldia eta bertsolarien saioa egongo da, besteak beste, ondoren.