Herritar guztiak deitu dituzte akanpadara

Abiadura Handiko Trenaren kontrako jarrera daukan jendearen elkarretaratze, elkar ezagutze eta koordinaziorako espazio eta une apropos legez aurkeztu du AHTaren Kontrako Asanbladak uztailaren 24an hasi eta abuztuaren 2a arte Izurtzan egingo duten akanpada. Gaur eguerdian, Tabirako igerilekuen ondoan egin dute agerraldia, azaldu dutenez, "proiektua gauzatzen bada, biaduktu batek igaroko" duen lekuan.



Uztailaren 24 eta abuztuaren 2 arteko egunetan Izurtzan izango diren berbaldi, eztabaida, antzerki eta poesia emanaldi, mendi martxa eta manifestazioak aurkeztu dituzte. Antolatzaileek, Izurtzako hitzordua “erresistentzia gune” izan daiten gura dute, eta “desarrollismoari eta zapalkuntzari aurre egiteko” helburuz antolatu dutela diote, hamalaugarren edizioa duen AHTaren kontrako akanpada. Barrea, jaia eta lana uztartuko dituen bilgunea izango dela akanpada azpimarratu dute prentsaurrean bildutakoek. “Gizarte kapitalista jasangaitz honekiko ikuspuntu kritikoa eta bizimodu orekatu eta sistemaren ezarpenetatik askea” bultzatzeko lan egingo dutela azpimarratu dute, eta akanpadako egunetan "AHTrik ez oihua entzungo da obren makinena baino gehiago".

Abuztuaren 1ean manifestazioa
Uztailaren 24ko eta abuztuaren 2ko akanpadaren aldarrikapena gizarteratzeko, abuztuaren 1ean manifestazioa egingo dute, 12:00etan Durangoko Andra Marian hasita. Durangotik, Iurretako Orozketa auzoan egiten diharduten lanetara egingo duten manifestazioan parte hartzeko deialdi zabala egin dute, "AHTaren kontra dauden jende guztiari". Tartean, astean zehar, egun osoan askotariko ekitaldiak eta ekimenak izango dira Izurtzako akanpadan.


EGITARAUA

Uztailak 23:
• 19:00etan, aurkezpena

Uztailak 24:
• 18:30ean, ‘Orkestra Nazionala’ Durangoko Gaztetxetik
• 21:00etan, ‘AHTaren izenean Amen’ antzezlana Durangoko Santa Ana plazan

Uztailak 25:
• 09:30etan, Bizikleta martxa
• 12:00etan, Luntx herrikoia
• 16:00etan, “TAV: Las razones del no” liburuaren aurkezpena
• 17:00etan, Tailerra
• 21:00etan, Kontzertuak

Uztailak 26:
• 09:30ean, Mendi ibilaldia
• 14:00etan, Bazkaria Mañarian
• 17:00etan, Topaketa
• 20:00etan, Jolasak
• 23:00etan,Poesia eta antzerki emanaldiak

Uztailak 27:
• 19:00etan, ‘Requiem’ liburuaren aurkezpena
• 23:00an, Kontzertua

Uztailak 28:
• 10:00etan, Asablada
• 18:00etan, Eztabaidak
• 23:00etan, Zinema

Uztailak 29:
• 10:00etan, Mendi martxa
• 17:00etan, Pailazoak
• 19:00etan, ‘Bienvenidos a la Máquina’ liburuaren aurkezpena
• 23:00etan, Kafe-tertulia

Uztailak 30:
• 17:00etan, Batzarra
• 19:00etan, Hitzaldia
• 23:00etan, Antzerkia

Uztailak 31:
• 10:00etan, Tailerra
• 17:00etan, Hitzaldia
• 23:00etan, Antzerkia

Abuztuak 1:
• 12:00etan, Manifestazioa
• 23:00etan, Kontzertuak

Abuztua 2:
• 12:00etan, Hitzaldia
• 17:00etan, Batzarra